ԳՈՒԳԱՐԱՑ ԹԵՄԻ ՀՈԳԵՎՈՐ ԴԱՍԻ ԵՎ ԼՈՌՈՒ ՄԱՐԶՊԵՏ ԱՐԹՈՒՐ ՆԱԼԲԱՆԴՅԱՆԻ ՀԱՆԴԻՊՈՒՄԸ
Գուգարաց թեմի առաջնորդանիստ Սբ Գրիգոր Նարեկացի եկեղեցու դահլիճում, նախագահությամբ թեմակալ առաջնորդ Տեր Սեպուհ արքեպիսկոպոս Չուլջյանի, տեղի ունեցավ թեմի հոգևոր դասի հանդիպումը Լոռու մարզպետ Արթուր Նալբանդյանի հետ: Նախորդ տարիներին նույնպես թեմում պարբերաբար կազմակերպվել են նմանատիպ հանդիպումներ, որոնց նպատակն է ամրացնել համագործակցությունը մարզպետարանի, համայնքապետերի և թեմի միջև, ապահովել փոխադարձ աջակցություն թեմական հասարակական, քարոզչական, կրթական գործունեության և առկա խնդիրների լուծմանասպարեզում: Հանդիպմանըքահանահայրերն իրենցհետաքրքրողհարցերովդիմեցինմարզպետին, ներկայացրին առաջարկներ, իրենց մտահոգությունները հայտնեցին արտագաղթի և գյուղերում տիրող սոցիալական վիճակի վերաբերյալ:
Թեմի գլխավոր հաշվապահը խոսեց մարզում և մասնավորապես թեմում ժողովրդի անվճարունակության, մոմի վաճառքի նվազման և արտերկրից եկող տրանսֆերների պակասի պատճառով առաջացած ֆինանսական ճգնաժամի մասին՝ նշելով, որ դա մեծապես ազդել է թեմի բնականոն կենսագործունեության վրա: Ժողովականները քննարկեցին վերոնշյալ խնդիրը:
Սրբազանը նշեց. «Բնական է, որ աղքատ ժողովրդի եկեղեցին հարուստ լինել չի կարող, ուստի միասնաբար պետք է լուծումներ գտնել համընդհանուր այս վիճակից դուրս գալու համար: Խիստ կարևոր է, որ համայնքապետերը ևս իրենց նյութական ու բարոյական աջակցությունը ցուցաբերեն: Ներկայումս մեր պետությունը և եկեղեցին հայտնվել են դրամի կայսրության ճիրաններում, այսինքն` մամոնայի գերիշխանություն է: Աղոթենք, որ այս փորձությունից ևս անվնաս, անկորուստ ազատագրվենք: Հորդորում եմ ձեզ` արթուն կացե'ք և աղոթեցե'ք»:
Սեպուհ Սրբազանը օրհնության ու գնահատանքի խոսքեր ուղղեց ԱԺպատգամավորԿարենԿարապետյանիորդուն`ՎահեԿարապետյանին` Գուգարացթեմի քահանայից դասին ցուցաբերած ֆինանսական աջակցության համար: Հոգևորդասը նույնպես իրերախտագիտությունըհայտնեց՝ բարեմաղթանքներ հղելով Վ. Կարապետյանին:
ՄարզպետԱրթուրՆալբանդյանը, ծանոթանալով թեմի նյութական կացությանը, խոստացավ համայնքապետերի հետ հանդիպումներին քննարկել այս հարցերը և ճգնաժամից դուրս գալու ելքեր գտնել:
No comments:
Post a Comment