Friday, May 29, 2015


Հերթական «Զգուշացեք» լուռ ակցիան Վանաձոր 

քաղաքում.


Որքան ողջունելի կլիներ այս ձեռնարկի տարածումը 

նաև մյուս մարզերում...

28 Մայիս 2015





























Saturday, May 23, 2015

Խաղալիքների զամբյուղ-ակցիա Վանաձորում




Հունիսի 1-ին` երեխաների պաշտպանության օրվան ընդառաջ` Նարեկացի պատանեկան միությունը նախաձեռնում է խաղալիքների հավաք` կարիքավոր ընտանիքների և մանկատան երեխաների համար: Մեզ նվիրեք ձեր հին խաղալիքները, որոնք կվերանորոգվեն մեր ձեռքերով և կհայտնվեն այդ խաղալիքներին կարոտ երեխաների մոտ: Ակցիան գործում է մինչև մայիսի 30-ը: 
Խաղալիքները կարող եք բերել հետևյալ հասցեով. «Նարեկացի» պատանեկան միություն- Մյասնիկյան 23/2 (Վանաձորի Սբ Գրիգոր Նարեկացի եկեղեցուն կից):
Հեռախոս.077 11 94 48:

Thursday, May 21, 2015

Գուգարաց թեմի առաջնորդ Տեր Սեպուհ արքեպիսկոպոս Չուլջյանի շնորհավորական խոսքը շրջանավարտներին
2015թ.

Հայրական սիրով ողջունում և մեր օրհնությունն ենք բերում Գուգարաց թեմի բոլոր դպրոցների շրջանավարտներին
«Վերջին զանգի» տոնական օրվա առիթով:
Սիրելի՛ շրջանավարտներ, դուք արդեն անցել եք կյանքի մի շատ կարևոր հանգրվան՝ ուսումնառության դպրոցական շրջանը, որից անդին արդեն ի կատար պիտի ածեք  ձեր նախասիրություններն ու ձգտումները, առավել վառ պիտի դրսևորվեն ձեր կարողությունները: Տիրոջ բարեհաճությամբ և սուրբ կամքով՝ թող ձեր առաջընթացը հետայսու լինի առավել հաստատուն և արդյունավոր, քանզի մարդու կյանքն ինքնին մի ընթացք է դեպի կատարելություն և բարձունք՝ մտքի, հավատի, բարության:
Միշտ հիշեք՝ ոչինչ այս կյանքում մարդուն չի տրվում հեշտությամբ. երջանկությունն ու հաջողությունը գտնում են նրանց, ովքեր ջանք ու տքնանքով են հարթում դժվարությունները: Մեծերի իմաստուն, բարի խոսքերն ու խրատները թող հավետ ուղեկից լինեն ձեզ, քանզի՝ «Երանի է այն երիտասարդներին, ովքեր ծերերից խոհեմություն փոխ կառնեն, իսկ ծերերը` երիտասարդներից ուժ, որովհետև ծերը զգում է շատ բան, որ չէր զգում երիտասարդ ժամանակ, և երիտասարդը կարող է  անել շատ բան, որ չի կարողանալու անել ծեր ժամանակ»:
Բոլորիդ մաղթում եմ ամուր կամք ու աշխատասիրություն, ձեր բազում իղձերի ու երազանքների իրականացում:
Դարձեք մեր երկրի հուսալի , արժանավոր և արժանապատիվ քաղաքացիներ, մեր հայրենիքի նվիրյալ զավակներ և մեր եկեղեցու հավատապաշտ հետևորդներ:

Տիրոջ շնորհները, սերը և աստվածային զորությունը թող լինեն ամենքիդ հետ այսօր և միշտ. Ամեն:

Tuesday, May 12, 2015

ՀԱՅՏԱՐԱՐՈՒԹՅՈՒՆ

Սիրելի՜ հայորդիներ,

Մայիսի 14-ին Հայ Առաքելական Սուրբ Եկեղեցին տոնում է 
մեր Տեր Հիսուս Քրիստոսի Համբարձման տոնը:
Տոնի օրը` ժամը 1100-ին, Վանաձորի Սուրբ Գրիգոր Նարեկացի և Սուրբ Աստվածածին եկեղեցիներում կմատուցվի Սուրբ պատարագ:
Մայիսի 8-9 տոները Գուգարաց թեմում 
Ալավերդի 

Սպիտակ
Օձուն

Տոնը Առաջնորդարանի բակում