ԳՈՒԳԱՐԱՑ ԹԵՄ

Monday, March 28, 2016

ՍԲ ՀԱՐՈՒԹՅԱՆ ՏՈՆԸ ԳՈՒԳԱՐԱՑ ԹԵՄՈՒՄ

«Քրիստոս յարեաւ ի մեռելոց.

Մահուամբ զմահ կոխեաց եւ

Յարութեամբն Իւրով մեզ զկեանս պարգեւեաց»

Այս տարի Սբ Հարության տոնը նշեց մարտի 27-ին:

Կարդալ ավելին >

Friday, March 25, 2016

Ավագ Շաբաթ

-Երեկոյան կատարվում է Ճրագալույցի Ս. Պատարագ, երբ տրվում է Հիսուսի Հարության ավետիսը և վերջանում Մեծ Պահքը:
26.03.2016

Կարդալ ավելին >

Thursday, March 24, 2016

Ավագ Հինգշաբթի

Ոտնլվայի Արարողություն Վանաձորի Սբ Սարգիս եկեղեցում

Կարդալ ավելին >

ԳՈՒԳԱՐԱՑ ԹԵՄԻ

ԱՌԱՋՆՈՐԴԻ ՈՒՂԵՐՁԸ

ՍՈՒՐԲ ՀԱՐՈՒԹՅԱՆ ՏՈՆԻ ԱՌԹԻՎ

2016Թ.

«Քրիստոս յարեաւ ի մեռելոց.

Մահուամբ զմահ կոխեաց եւ

Յարութեամբն Իւրով մեզ զկեանս պարգեւեաց»

Սիրելի՛ հոգևոր հովիվներ, հավատացյալ ժողովուրդ, եղբայրնե՛ր և քույրե՛ր,

Սրտի անհուն բերկրանքով հայրական մեր օրհնությունն ու շնորհավորանքներն ենք հղում ամենքիդ Մեր Տիրոջ և Փրկչի հրաշազարդ Հարության տոնի առթիվ և ցնծությամբ ողջունում «Քրիստոս յարեաւ ի մեռելոց» բաղձալի ավետիսով:

Աղոթում և մաղթում ենք, որ Հարության լույսով ողողվեն բոլորիս հոգիները, զորանան հուսահատ սրտերը, Զատկական հոգենորոգ խորհրդով ու աստվածային շնորհներով գոտեպնդվեն մեր անձերը` գործելու ի փառս Աստծո, Մայր հայրենիքի և եկեղեցու:

Սիրելիներ, այս սքանչելի տոնին ամենքս պիտի կարողանանք մեր մեջ քաջություն գտնել և վճռականորեն հաղթահարել անկարողության, անճարակության բարդույթը` ճիշտ գնահատելով և արժևորելով մեզ տրված կարճատև կյանքը: Ապրենք Հարության հույսով, ողորմածությամբ, սիրով, հանդուրժողականությամբ և աստվածային պատգամներով: Մշտապես հիշենք, որ այս կյանքում մենք բոլորս ճամփորդներ ենք և հաշվետու ենք Արարչի ու սերունդների առջև:

Միասնաբար աղոթենք, որ Փրկչի Հարության կենսապարգև շնորհները թափանցեն մեր սրտերը, հայոց աշխարհում խաղաղություն ու արդարություն հաստատվի և քրիստոնեական սիրո կրակը սրբագործի ամենքին:

Թո՛ղ անմահության ու հավիտենականության հույսը հավետ առաջնորդի աստվածընտրյալ մեր ժողովրդին: Ամեն:

Քրիստոս յարեաւ ի մեռելոց

Օրհնեալ է յարութիւնն Քրիստոսի

Օրհնությամբ`

ՍԵՊՈՒՀ ԱՐՔԵՊԻՍԿՈՊՈՍ ՉՈՒԼՋՅԱՆ ԱՌԱՋՆՈՐԴ ԳՈՒԳԱՐԱՑ ԹԵՄԻ

ԱՎԱԳ ՇԱԲԱԹ

Այս շաբաթ Հայաստանյայց Առաքելական Սուրբ եկեղեցին կոչել է «Ավագ շաբաթ» կամ «Չարչարանաց շաբաթ», քանի որ ամենամեծն ու նշանակալին է, և շաբաթվա օրերից յուրաքանչյուրը կոչվում է Ավագ` ներկայացնելով Քրիստոսի երկրային կյանքի վերջին օրերը և հավատացյալներին մոտեցնելով Տիրոջ Սուրբ Հարությանը:

Կարդալ ավելին >

Sunday, March 20, 2016

Ծաղկազարդը Գուգարաց թեմում

Վանաձորի Սբ.Գր.Նարեկացի եկեղեցի
պատարագիչ արժանապատիվ Տեր Վահան քհն Ազարյան

Կարդալ ավելին >

ԱՎԱԳ ՇԱԲԱԹ

ՕՐԵՐԻ ԽՈՐՀՈՒՐԴՆԵՐՆ ՈՒ ԾԻՍԱԿԱՐԳԸ

Վանաձորի Սուրբ Գրիգոր Նարեկացի և Սուրբ Աստվածածին եկեղեցիներում

ԱՄԵՆ ՕՐ ԱՌԱՎՈՏՅԱՆ ԺԱՄԵՐԳՈՒԹՅՈՒՆ՝ ժ. 10:00-ին, ԵՐԵԿՈՅԱՆ ԺԱՄԵՐԳՈՒԹՅՈՒՆ՝ ժ. 17:30-ին

Մարտի 21` Ավագ Երկուշաբթի Արարչագործության հիշատակի, նաև Անիծված թզենու և տաճարը մաքրելու օրն է:

Մարտի 22` Ավագ Երեքշաբթի Տասը կույսերի հիշատակության, ինչպես նաև հրեաների հարցումներին Քրիստոսի բացատրության ու փարիսեցիների հանդիմանության օրն է:
Մարտի 23` Ավագ Չորեքշաբթի Մեր Տիրոջ մատնության, ինչպես նաև մեղավոր կնոջ ապաշխարության հիշատակի օրն է:
Մարտի 24` Ավագ Հինգշաբթի Մեր Տեր Հիսուս Քրիստոսի վերջին ընթրիքի հիշատակության և Ս. Հաղորդության խորհրդի հաստատման օրն է: Առավոտյան ժամերգության ավարտին կատարվում է ապաշխարողների արձակման կարգ:
ժ. 10:30-ին -Սուրբ Պատարագ ի Հիշատակ Վերջին Ընթրիքի և Սուրբ Հաղորդության հաստատման
ժ. 17:00-ին - Ոտնլվայի արարողություն` ի հիշատակ
Հիսուսի աստվածային խոնարհության
ժ. 19:00-ին- Խավարման կարգ. հիշատակվում է Հիսուս Քրիստոսի ձերբակալումը, չարչարանքները և խաչելությունը
Մարտի 25` Ավագ Ուրբաթ Հիսուս Քրիստոսի չարչարանքների, խաչելության, մահվան ու թաղման հիշատակի օրն է:

ժ. 17:30 - Մեր Տիրոջ՝ Հիսուս Քրիստոսի Թաղման հիշատակության կարգ
Մարտի 26` Ավագ Շաբաթ -Երեկոյան կատարվում է Ճրագալույցի Ս. Պատարագ, երբ տրվում է Հիսուսի Հարության ավետիսը և վերջանում Մեծ Պահքը:
ժ. 19:00 - Ճրագալույցի Սուրբ Պատարագ
Մարտի 27 - Սուրբ Զատիկ, Հարություն Մեր Տիրոջ Հիսուս Քրիստոսի:
ժ. 11:00 - Տոնական Սբ. Պատարագ
Սուրբ Գրիգոր Նարեկացի առաջնորդանիստ եկեղեցում պատարագիչն է
Գուգարաց թեմի առաջնորդ գերաշնորհ
Տեր Սեպուհ արք. Չուլջյանը