Monday, December 15, 2014

«Զգուշացեք Եհովայի վկաներից»
կամ
Պատասխան քարոզչություն «վայ» քարոզիչներին
       
Արդեն ամիսներ ի վեր Հայաստանի տարբեր մարզերում «Եհովայի վկաներ» կազմակերպությունը տեղադրում է ստենդներ իրենց կազմակերպության «հոգևոր գրականությամբ», որն անվճար բաժանում են անցորդներին։ Գրականության բաժանման հիմնական նպատակն է նոր անդամներով հարստացնել «Եհովայի վկաներ» կրոնական կազմակերպության շարքերը։ Այս ոչ բարի քարոզչության կենտրոններից մեկն էլ Վանաձոր քաղաքն է, որտեղ օրերս մի խումբ քրիստոնյա երիտասարդներ փորձեցին օգտվել օրենքի «շնորհած բարիքներից» և զգուշացնել բնակիչներին` հեռու մնալ ազգակործան և հոգեկան լուրջ խեղման տանող այս վայ քարոզչությունից: Երիտասարդները` «Զգուշացեք Եհովայի վկաներ աղանդից» պաստառով գրությամբ, Ավետարանից համապատասխան մեջբերմամբ  և կրոնական այս և այլ կառույցների ազգակործան քարոզչության մասին ինֆորմացիոն գրքույկներով հայտնվեցին Եհովայի վկաներ կառույցի ստենդի և այն հսկող վկաների կողքին:     Եհովայի վկաները, ովքեր «բարի լուր» էին ավետում քաղաքի բանուկ հատվածներից մեկում, տեսնելով երիտասարդների պաստառը, փորձեցին բանավեճի մեջ ներգրավել և սպառնալ վերջիններիս` թե ոստիկանության միջոցով կհեռացնեն նրանց: Սպառնալիքը ազդեցություն չունեցավ: Երիտասարդներին երկար բարակ անպատասխան հարցադրումներից, նկարահանումներից, սպառանալիքներից հետո, վերջիններս հավաքեցին իրենց գրականությունը և քայլերն ուղղեցին դեպի Վանաձորի Հելսինկյան գրասենյակի առջև, որտեղ էլ հիմնականում կանգնում են և բաժանում են իրենց գրքերը: Տեսնելով երիտասարդների պաստառը նաև այստեղ` երեք հոգուց բաղկացած վկաների կազմը լքեց տարածքը: Երիտասարդներին որպես սպառնալիք մնաց միայն «ձեզ համար վատ է լինելու» խոսքը, որը շպրտեց նրանց այդ օրվա միակ տղա քարոզիչ վկան:
 «Եթե օրենքը այդքան բարեհաճ է և այս աստիճան ծայրահեղական կրոնական կառույցի արտոնում է նման քարոզչություն իրականացնել իրենց տարածքից դուրս, ապա մեզ էլ` իբրև հայ քրիստոնյա, կանգնեցնում է պարտքի առջև` զգուշացնել հանրությանը հեռու մնալու նման այս կառույցից»,-նշեց ակցիայի ակտիվիստ Դավիթ Խաչիկյանը: Ինչպես նշում են երիտասարդները, այս լուռ ակցիան, որը օրենքի շրջանակներում է դարձյալ, պարզապես զգուշացում է և ինչու չէ, բնակիչների շահերի պաշտպանում: Երիտասարդների խոսքով ակցիան շարունակական է և կլինի այնքան ժամանակ, որքան «բարի լուր» ավետարանողները կշարունակեն խեղկատակել քաղաքի որևէ հատվածում: 
Որպես լրացում, խոսենք նաև այն օրենքի շուրջ, որը ստիպեց երիտասարդներին քայլեր ձեռնակել` իրենց փոքր հնարավորության սահմաններում ծառայություն մատուցել քաղաքի բնակչությանը: «Խղճի ազատության և կրոնական կազմակերպությունների մասին» օրենքի փոքր-ինչ ուսումնասիրությունը թույլ է տալիս արձանագրել, որ կրոնական այս կառույցները իրենց տարածքից դուրս քարոզչության արտոնություններ չեն կարող ունենալ` ելնելով այդ օրենքի 7-րդ հոդվածով: Իսկ եթե որևէ եզրույթի այլ բացատրությամբ, կամ որոշ օտար ուժերի դրդմամբ և կամ Եվրոպայից սնվող այս կամ այն կառույցների օժանդակությամբ այս հոդվածը մեկնաբանվում է «հասարակ բնակչությանը ոչ հասանելի» կերպով կամ արտոնվում է հոգեկան խեղման հանգեցնող վայ քարոզիչների գործունեությունը, ապա ողջ ազգը կանգնում է ծաղրալի մի իրավիճակում: Ի վերջո ծաղրալի չէ, ապա ինչ է, երբ Հայաստանի տարածքում բաժանվում է մի գրականություն, որը արգելված է, օրինակ, Ռուսաստանի Դաշնությունում՝ որպես ծայրահեղական և աղանդավորական գրականություն և կամ որը լուրջ հոգեկան շեղումների և խնդիրների առջև է կանգնեցնում այն ուսումնասիրողին, ասել է թե խեղաթյուրում է հոգեբանությունը:  
Լուռ ակցիան կազմակերպող երիտասարդները կոչ են անում քաղաքի բնակիչներին զգոն և զգույշ լինել այս կրոնական կառույցից և հավատարիմ լինել իրենց ավանդվածին` Հայ Առաքելական Սուրբ Եկեղեցու դավանությանը:

Վանաձորի «Նարեկացի» երիտասարդաց միության անդամներ

http://lorinews.am/lrahos/hasarakutyun/2733-zgushaceq-ehovayi-vkaneric-kam-patasxan-qarozchutyun-vay-qarozichnerin.html


ՓԱԽՈՒՍՏ...


Այսօր դարձյալ «Եհովայի վկաներ» կազմակերպությունը իր հանրահայտ ստենդով հոգեորսությամբ էր զբաղվում արդեն «Աստերի»հրուշակեղենի խանութի առջև` ի վերջո Ամանոր է և մարդկանց հոսքը այդ տարածքում շատ է, տրամաբանական է... 
Վերջիններս սակայն տեսնելով մեզ և մեր` «Զգուշացեք Եհովայի վկաներից» պաստառը, լքեցին տարածքը և վերադարձան իրենց գրասենյակ (հավաքատեղի):
Հ.Գ. Կոչ ենք անում բոլոր վանաձորցիներ միանալ «Զգուշացեք» ակցիային:



Աղանդ
Александр Амарян
https://www.facebook.com/alexandr.amaryan
Աղանդն ընդդիմադիր հոսանք, ուսմունք կամ դավանանք է համաշխարհային այս կամ այն կրոնում: Աղանդը շեղում է հիմնական կամ պաշտոնական դավանանքից և հաճախ հակադրվում է դրան:
Աղանդի հետևորդները կոչվում են աղանդավորներ. դրանք մարդկանց (հավատացյալների) խմբեր են, որոնք անջատվել են ավանդական եկեղեցուց և, չընդունելով նրա դավանանքի որոշ կետեր կամ դավանանքն ամբողջությամբ, քարոզում են իրենց առաջնորդի կողմից առաջ քաշած գաղափարները: Վերջիններս մեծ մասամբ հիմնված են Ավետարանի այս կամ այն հատվածի կողմնակալ մեկնաբանության վրա՝ ըստ աղանդի շահերի և համոզմունքների:
Աղանդավորները` որպես առանձին կազմակերպված համայնքներ, ընդդիմադիր են ոչ միայն ավանդական եկեղեցու, այլև հաճախ` պետությանն ու պետական կառույցներին: Աղանդների հետևորդները խուսափում են ազգային, հասարակական, բարոյական պարտավորություններից:
Աղանդավորական շարժումների պատմությունը ցույց է տալիս, որ նրանց առաջնորդները, իրենց վերապահելով Սուրբ Գրքի մեկնաբանմամբ դավանանքի նոր սահմանումները տալու իրավունքը, շատ դեպքերում հայտարարում են իրենց նոր մարգարեներ կամ նոր քրիստոսներ ու մխիթարիչներ: 
Աղանդավորական շարժումները քրիստոնեական եկեղեցու կյանքում նոր երևույթներ չեն: Դեռևս I–III դարերում փիլիսոփայական տարբեր հոսանքների ազդեցությամբ ձևավորվել են բազմաթիվ աղանդներ, հերձվածներ ու հերետիկոսական ուղղություններ, որոնցից յուրաքանչյուրն ուներ իր առաջնորդը: Ժամանակակից աղանդներում այդպիսիք են, օրինակ, Ռասելը՝ Եհովայի վկաների, Միլլեր–Վայթ զույգը՝ ադվենիստների, Սմիթը՝ մորմոնների համար: Սկզբունքը նույնն էր նաև պատմական աղանդների դեպքում, ինչպես Արիոսը՝ արիոսականների, Պողոս Սամոսատցին՝ պավլիկյանների համար և այլն:
Հին և նորագույն ժամանակաշրջանների առանձին մտածողների ու աղանդավորների կարծիքով՝ Աստվածաշունչն Աստծու խոսքի միակ աղբյուրը չէ, և քրիստոնեական ճշմարտությունը տրված է ոչ միայն Հին ու Նոր կտակարաններում: Սուրբ Գրքի պատգամները շատ հաճախ շաղախվում են հեթանոսական կրոնների, առանձին փիլիսոփաների կամ գիտական հայտնագործությունների՝ իրենց ձեռնտու մտքերով ու փաստերով: 


Հիսուս Քրիստոսը ժամանակին կանխատեսել էր, որ իր խոսքերի սխալ մեկնաբանությամբ հանդես կգան կեղծ քարոզիչներ:
IV դարից սկսած Հայ եկեղեցում նույնպես երևան են եկել աղանդներ՝ մծղնեականությունը, բորբորիտները, պավլիկյաններն ու թոնդրակեցիները: Աղանդավորական շարժման դեմ պայքարում անգնահատելի է V դարի պատմիչ Եզնիկ Կողբացու «Եղծ աղանդոց» աշխատությունը:
XIX–XX դարերում են առաջացել կեղծ քրիստոնեություն և ամբողջատիրական գաղափարներ քարոզող Եհովայի վկաների, մորմոնների (Հիսուս Քրիստոսի վերջին օրերի սրբերի եկեղեցի), մունինների (Միավորման եկեղեցի) աղանդները:
Ժամանակակից քրիստոնեական աղանդներն այսօր էլ իրենց վնասակար գործունեությունը շարունակում են Հայաստանում, որոնցից առավել տարածված են.

Ադվենտիստներ (լատիներեն է, նշանակում է գալուստ) կամ գալստականներ. աղանդն առաջացել է ԱՄՆ-ում 1830-ական թվականներին: Բողոքականության տարատեսակներից է: Քարոզում է Քրիստոսի երկրորդ գալուստը և երկրի վրա նրա աստվածային հազարամյա թագավորության հաստատման գաղափարը:
Բապտիստներ (հունարեն է, նշանակում է ընկղմվել, ջրով մկրտվել). բողոքականության տարատեսակներից է, առաջացել է XVII դարում: Չեն ընդունում գաղտնիությունը, մկրտությունն ու հաղորդությունը համարում են սոսկ եկեղեցական կարգ, որը խորհրդավորություն չունի: Կնքվում են միայն մեծահասակները:
Հիսունականներ կամ հոգեգալստականներ. աղանդն առաջացել է ԱՄՆ-ում XIX դարի վերջին – XX դարի սկզբին: Անվանումը կապված է Գործք առաքելոցում հիշվող Հոգեգալստյան տոնի հետ, երբ Սուրբ Հոգին առաքյալների վրա է իջել Քրիստոսի Հարության հիսուներորդ օրը, ինչի շնորհիվ նրանք կարողացել են քարոզություն իրականացնել օտարալեզու ժողովուրդների մեջ: Հիսունականները, սխալ ընկալելով լեզվախոսության շնորհը, այն իբրև պարտադիր պայման են ընդունում և շատ հաճախ հոգեբանական էքստատիկ վիճակների մեջ են հայտնվում, որը հոգևոր և հոգեբանական լուրջ վնասվածքներ ստանալու վտանգ ունի: Հայաստանում զանազան անուններով գործում են հիսունականների տարատեսակ խմբեր՝ Կյանքի խոսք, Ավետարանի հավատի քրիստոնյաներ և այլն: Հիսունականները չեն ընդունում քրիստոնեական եկեղեցու պաշտոնական ծեսերը, սրբապատկերները, խաչը:
Եհովայի վկաներ կամ եհովականներ. բողոքական աղանդ է, հիմնադրել է Չառլզ Ռասելը 1872 թ-ին ԱՄՆ-ի Փենսիլվանիա նահանգում: Ընդունում են մեկ միասնական Աստծուն` միայն Եհովային, իսկ Քրիստոսին համարում են նրանից ծնված և նրա կամքը կատարող: Եհովականները չեն ընդունում Սուրբ Հոգուն իբրև Աստծու, մերժում են Սուրբ Խաչը, մկրտությունը և այլն: Ըստ եհովականների՝ երկրի վրա է գտնվում սատանայի թագավորությունը, և Եհովայի ու սատանայի առաջիկա ճակատամարտում (Արմագեդոն) մարդկությունը կկործանվի՝ բացառությամբ եհովականների, և երկրի վրա կհաստատվի Աստծու թագավորությունը:
Մորմոններ. աղանդն ստեղծել է Ժոզեֆ Սմիթը 1830 թ-ին ԱՄՆ-ում: Նրանք չեն ընդունում քրիստոնեական խորհրդանիշները՝ համարելով, որ դրանք ստեղծել է ոչ թե Աստված, այլ մարդը:
Հայաստանում գործում են նաև ասյենտոլոգների, մունականների, օկուլիստների, սպիրիտիզմի (հոգեպաշտների), յոգայի և կրիշնայականության, սատանայապաշտների զանազան խմբեր:
«Զգո՜ւյշ եղեք, չլինի թե որևէ մեկը ձեզ խաբի, որովհետև շատերը պիտի գան իմ անունով և մոլորեցնեն շատերին»:
Մատթեոս 24. 4–6:

4 comments:

  1. Ter Vrtanes Baghalyan Իրեց բաժանած գրքերը տպվում են Բեթել կոչվող տպարանում, որտեղ աշխատող աջիկների արգանդափողերը կապում են, որ երեխա չունենան: Աշխատացնում են առանց բուժօգնության և սոցապահովագրության ու ոտնահարելով բոլոր իրավունքները: Ինչու? Ամերիկայի Հելսինկյան գրասենյակը չի զբվաղվում այդ խեղճերի իրավունքներով, թե դրա համար չի ֆինանսավորվի:
    1 мин. · Не нравится · 1
    www.facebook.com Ter Hayri grarum@

    ReplyDelete
  2. Anna Pechenevskaya Զգոն եղեք ժողովուրդ
    4 мин. · Не нравится · 1

    www.facebook.com Anna Pechenevskayai grarum@

    ReplyDelete
  3. gluxnerov garnuk ....bayc nersic gayl zgushaceq ev koch bolor@ mianan ays akcayin ...irenc npatak@ 1 - e paraktel hay azgin
    www.facebook.com Lilit Yolchyani grarum@

    ReplyDelete

  4. Ter Vrtanes Baghalyan
    3 мин. ·
    Եհովայի վկաները աղավաղում են խաչի խորհուրդը
    Xachi xorhurd ejovayi vkaner
    Թե ինչ նշանակություն ունի քրիստոնյաների համար Խաչը, հասկանալի է. ավելի ճիշտ` խաչը հիմքն է այն շենքի, որի վրա կառուցված է եկեղեցին: Ուղղափառ եկեղեցիները Խաչը նույնացնում են Քրիստոսի հետ, դրանով իսկ ձևավորելով վերաբերմունք Խաչի հանդեպ: Թվում է, թե այս հարցը այնքան պարզ է ու հասկանալի, որ երբեք վեճի առարկա չի կարող դառնալ: Ցավոք, այսօր արդեն այդ մեկ բառը` խաչը, որն մարդկության փրկությունը դարձավ, ինքն է պաշտպանության կարիք զգում: Այդ պատճառով կփորձենք ավելի մանրամասն անդրադառնալ, արդեն մեր ժամանակների «Խաչվերացի»` այսպես կոչված «Խաչը գերությունից վերադարձնելուե և իր արժանի տեղում
    կանգնեցնելու խնդրին: Մասնավորաբար Եհովայի վկաներին հետևողները, լսելով նրանց քարոզները, աստիճանաբար օտարվում է քրիստոնեությունից, քրիստոնեական սրբություններն նրա համար վերածվում են նախատինքի, անարժեք են դառնում: Անշուշտ այդ կատարվում է միտումնավոր կերպով. ոչ միայն խաչ բառը, այլ ամեն բառ որ եկեղեցի է հիշեցնում փոխում են: Այսպես` եկեղեցի բառը նրանց մոտ «գործածությունից» դուրս է գալիս, փոխարինվում է` «թագավորության սրա»»-ով, Աստվածաշնչի Հին և Նոր Կտակարանները փոխարինվում են «եբրայերեն և հունարեն գրություններեով, խաչի նշանը համարում են հեթանոսական և այլն: Այս կարգի պատկերացումներն նրանց մոտ միանգամից չեն ձևավորվել, այլ աստիճանաբար: Եհովայի վկաների շարժման հիմնադրումից մինչև նրանց «լուսավորվելը» տասնամյակներ անցավ: 1930 թվականից առաջ Դիտարանի հրատարակումներում անգամ խաչի նշանը ավանդական տեսքով է ներկայացված: 1931 թվականի հոկտեմբեր 15-ի համարից սկսած Դիտարանը իր էջերում խաչի նշանը ներկայացնում է ուղիղ գերանի` ցցի ձևով, տալով հետևյալ բացատրությունը. «Հիսուսը խաչվել է ոչ թե փայտ» խաչի վրա, որը ներկայացված է բազում նկարներում, պատկերներում, որոնք մարդիկ ներկայացնում են ցուցադրելու համար, – այլ Հիսուս խաչվել է գամվելով գերանին` ուղղահայաց ցցին»: «Նրա ձեռքերը մեկը մյուսի վրա դնելով գլխավերեևում` մեխեցին մեկ մեխով, իսկ մյուս մեխով էլ ոտքերը գամեցին ցցի վրա: Հետո ուղղահայաց կանգնեցրին ու մարմինը կախվեց այդ երկու մեխից»:
    Եհովայի վկաները պնդում են թե Աստվածաշունչը հենց այդպես է նկարագրում խաչելությունը, որն էլ, իբր, համապատասխանում է հունարեն բնագրին:
    «Աստվածաշունչը ցույց է տալիս, որ Հիսուս խաչվել է ոչ թե սովորական խաչի վրա, այլ ցցի` գերանի կամ ստավրոս-ի: Այս հունարեն բառը, որ օգտագործում է Մատթ. 27.40-ում, առաջին հերթին նշանակում է սովորական ուղղահայաց փայտ` ցից, որն օգտագործվում է շենքերի հիմքերում: Այսպիսով խաչը երբեք չի եղել ճշմարիտ քրիստոնեության նշան»:
    Վերջերս Եհովայի վկաները հայերեն թարգմանեցին իրենց աստվածաշունչը` Նոր աշխարհի թարգմանությունը, հավելվածներով և բառարանով հանդերձ, ուր խաչին նվիրված «ներբողում» գրված է.
    «Ա. Հիսուսին կախեցին ցցից` որպես նախատինք
    Հիսուսին կախեցին ցցից կամ ծառից – Գրծ. 5.30, 10.39, Գղ. 3.13
    Քրիստոնյաները պետք է կրեն տանջանքի ցիցը` որպես նախատինք – Մթ. 10.38, Ղկ. 9.23
    Բ. Խաչին չպետք է երկրպագել
    Հիսուսի տանջանքի ցիցը ցուցադրելը նախատինք է – Եբ. 6.6, Մթ. 27.41, 42
    Երկրպագության մեջ խաչ գործածելը կռապաշտություն է – Ելք 20.4, 5; Եր. 10.3-5
    Հիսուսն այլևս ցցի վրա չէ, նա ոգի է – 1Տմ 3.16, 1 Պտ. 3.18:
    Ղ¢ոնդ քահանա Մայիլյան («Էջմիածին», 2012, Բ, էջ 115)
    www.facebook.com Ter Hayri grarum@

    ReplyDelete