ԼՌՈՒԹՅԱՆ ՄԵՋ ԼՍԵՆՔ ՄԵՐ ՆԱԽՆԻՆԵՐԻ ՊԱՏԳԱՄԸ

Հ Ա Յ Տ Ա Ր Ա Ր ՈՒ Թ Յ ՈՒ Ն

Սիրելի բարեպաշտ հայորդիներ,

Ապրիլի 24-ին` կիրակի օրը, Վանաձոր քաղաքի բոլոր եկեղեցիներում ժամը 10:30-ին կմատուցվի Սուրբ Պատարագ` ի հիշատակ Հայոց Ցեղասպանության սուրբ նահատակների:

Պատարագի ավարտից հետո` ժամը 12:00-ին, Սբ Աստվածածին եկեղեցու Սրբոց Նահատակաց պուրակում, հանդիսապետությամբ Գուգարաց թեմի առաջնորդ Սեպուհ արք. Չուլջյանի, կկատարվի Սուրբ նահատակների բարեխոսական կարգ և ապա ծաղիկների զետեղում հուշաքարին: 

«ՀԱՆՈՒՆ ՀԱՅ ԶԻՆՎՈՐԻ ԱՆՎՏԱՆԳՈՒԹՅԱՆ ԵՎ ՄԵՐ ԵՐԿՐԻ ԽԱՂԱՂՈՒԹՅԱՆ»

Համոզումով և հավատքով կատարված ուխտագնացության միջոցով մարդը ոչ միայն հարաբերվում է անցյալիսրբազան ժառանգության հետ, այլև դրանով իսկ կապ հաստատում ապագայի հետ, քանզի առանց անցյալի հետկենդանի կապի, անիմաստ է ապագայի հետ շփում ստեղծելու փորձը: Այս համոզմամբ և գիտակցությամբ անցյալիցժառանգած սրբությունները չկորցնելու փափագով ու վճռականությամբ, հայ զինվորի անվտանգության, հայոց բանակիանսասանության ու վերաարթնացման, հայի ոգու անկոտրունության համար Արդվու Սբ Հովհաննես ՕձնեցիՀայրապետի բարեխոսությունը խնդրելու էին եկել հարյուրավոր ուխտավորներ հանրապետության տարբերմարզերից:

ԶԻ ԱՍՏՎԱԾ ԸՆԴ ՄԵԶ Է

ՔԱՆԶԻ ԱՍՏՎԱԾ ՄԵԶ ՀԵՏ Է

Ապրիլի 5-ին, Գուգարաց թեմի բոլոր եկեղեցիներում միասնական աղոթք բարձրացվեց առ Աստված` հանունհայրենիքի և հայրենյաց պաշտպան զինվորների:

Վանաձորի առաջնորդանիստ Սուրբ Գրիգոր Նարեկացի եկեղեցում, նախագահությամբ Գուգարաց թեմի առաջնորդբարձրաշնորհ Տեր Սեպուհ արքեպիսկոպոս Չուլջյանի և մասնակցությամբ հոգևոր դասի, կատարվեց հոգեհանգստյան կարգ` ի խաղաղություն նահատակ զինվորների հոգիների: Այնուհետև կատարվեց մաղթանք` Հայաստանի Հանրապետության և Լեռնային Ղարաբաղի Հանրապետության անսասանության և սահմանների խաղաղության համար, որից հետո թեմակալ առաջնորդ Սեպուհ Սրբազանը իր հայրական հորդորն ու մխիթարանքի խոսքն ուղղեց ներկաներին.

«Իմ սիրելի լոռեցի քույրեր և եղբայրներ, իմ սիրելի հայրենակիցներ,

Այսօր համախմբվել ենք աղոթքով զորակցելու հայոց բանակին և հիշելու մեր նահատակներին ու աղոթելու նրանց հոգիների խաղաղության համար:

Կովկասի հիվանդը` մեր ազերի հարևանը, կրկին մեզ հիշեցրեց իր արյունարբու ներկայությունը մեր տարածաշրջանում: Կրկին մենք հայտնվեցինք պատերազմի դաժան ճիրաններում:
Այս պատերազմը յուրաքանչյուր հայի պատերազմն է: Աստծո օրհնությամբ մենք այն վերջնակետին պետք է հասցնենք և այն չպետք է թողնենք գալիք սերունդներին: Մենք պատասխանատու ենք պատմության ու սերունդների առաջ: Միասնական հավատքով, վաղվա հզոր Հայաստանի տեսլականով պիտի հաղթահարենք նաև այս փորձությունը: Այս զարկը մեր զարկն է` հանուն Հայաստանի ու Արցախի խաղաղության:

ԺԱՄԱՆԱԿ ՄԻ ԿՈՐՑՐԵՔ ԵՎ ԱՅԼՈՑ ՄԵՋ ՓՐԿԻՉՆԵՐ ՄԻ ՓՆՏՐԵՔ: ՄԵՐ ՓՐԿԻՉԸ ԲԱՐՁՐՅԱԼ ԱՍՏՎԱԾՆ Է ԵՎ ՀԱՅԻ ՈԳԻՆ ՈՒ ՆՐԱ ԲԱԶԿԻ ՈՒԺԸ: ՄԵՆՔ ԵՆՔ ՄԵՐ ՓՐԿԻՉԸ, ԻՄ ՍԻՐԵԼԻ ԺՈՂՈՎՈՒՐԴ: ԱՐԹՆԱՑՐԵՔ ՁԵՐ ՊԱՏՄԱԿԱՆ ՀԻՇՈՂՈՒԹՅՈՒՆԸ, ԱԿԱՆՋ ԴՐԵՔ ՁԵՐ ԱՐՅԱՆ ՁԱՅՆԻՆ ԵՎ ԱՆՍԱՑԵՔ ԴՐԱՆՑ: Միաբան եղեք և միաբանությամբ մենք պիտի ավելի զորանանք:

Այս եկեղեցում և մեր մեջ Աստված է բնակվում, որովհետև որտեղ Աստված կա, այնտեղ սեր և միաբանություն կա: Այնտեղ կա հաջողություն և հաղթանակ: Իսկ որտեղ չկա միաբանություն, սեր և եղբայրասիրություն, այնտեղ չի կարող Աստված բնակվել: Ուրեմն` ձայն բազմաց, ձայն Աստծո»:

Արարողությանը ներկա էին Լոռու մարզպետ Արթուր Նալբանդյանը, Վանաձորի քաղաքապետ Սամվել Դարբինյանը, պաշտոնատար այլ անձիք. ներկայացուցիչներ հասարակական կազմակերպություններից, ուսուցիչներ և ուսանողներ տարբեր ուսումնական հաստատություններից, Վանաձոր քաղաքի հարյուրավոր հավատավոր բնակիչներ, ովքեր մեկ սիրտ և մեկ հոգի դարձած` իրենց սրտաբուխ աղոթքն առաքեցին առ Աստված:

ՄԻԱՍՆԱԿԱՆ ԱՂՈԹՔ

Վանաձորի Սբ. Գր. Նարեկացի առաջնորդանիստ եկեղեցում

Ապրիլի 5-ին` ժամը 18:00-ին` նախագահությամբ թեմակալ առաջնորդ Տեր Սեպուհ արք. Չուլջյանի և մասնակցությամբ մարզային ու քաղաքային իշխանությունների, կկատարվի աղոթք Հայրենիքի և հայրենյաց պաշտպան զինվորների համար: 

Հորդորում ենք բոլոր հայորդիներին` մասնակցել և միասնական աղոթքով զորակցել հայ զինվորին:

Դիվան Գուգարաց թեմի

04.04.2016թ