Գուգարաց թեմի առաջնորդ Տեր Սեպուհ արքեպիսկոպոս Չուլջյանը «Ձեռք մեկնիր եղբորդ» բարեգործական ծրագրով գնված 23-րդ բնակարանն է հանձնել Լևոն Ավետիսյանի ընտանիքին: Իսկ մինչ բնակարանամուտ տոնելը՝ ընտանիքի ծնողներն ու չորս փոքրիկները մկրտվել են և որպես Առաքելական Եկեղեցու անդամներ մուտք ոտք դրել արդեն իրենց նոր օջախ:
Օգոստոսի 2-ին, ձեռամբ Գուգարաց թեմի առաջնորդ Գերաշնորհ տեր Սեպուհ արքեպիսկոպոս Չուլջյանի, օծվեց և տեղադրվեց Թումանյանի տարածաշրջանի Արդվի համայնքի Սուրբ Հովհան Օձնեցի Հայրապետի դամբարան-մատուռին կից վերակառուցված զանգակատան խաչը: Սուրբ Հովհան Օձնեցի Հայրապետը այն եզակի սրբերից է, ում աճյունը ամփոփված է Արևելյան Հայաստանում: Սուրբ Հովհան Օձնեցին մեր պատմության մեծագույն հայրապետներից մեկն է, որ Ամենայն Հայոց Կաթողիկոսական աթոռին գահակալեց 717-728թթ.-ին և արաբական տիրապետության դժնդակ պայմաններում իր գրով ու խոսքով, իր հովվական ու հովվապետական արթուն հսկողությամբ և հեռատեսությամբ կարողացավ իր հոտն առողջ և ամբողջական պահել թշնամիների հարվածներից: Սուրբ Հայրապետի շիրիմը դարեր շարունակ ուխտագնացության և հոգեկան հաղորդության սրբազան վայր է եղել: Դարերից մեզ հասած այս պատմական զորավոր վայրը խիստ խնամքի, փլուզումից փրկելու և բարեկարգման կարիք ուներ: Սեպուհ Սրբազանի դիմում-խնդրանքին ընդառաջ՝ Սուրբ Հովհան Օձնեցի Հայրապետի դամբարան-մատուռի ծածկի և զանգակատան վերականգնման շինարարական աշխատանքների ու բարեկարգման բարերարությունը ստանձնեց «Տաշիր» բարեգործական հիմնադրամի ղեկավար պարոն Վահե Կարապետյանը: Համալիրի վերականգնման շինարարական աշխատանքներն իրականացվել են Սրբազան հոր անմիջական վերահսկողությամբ: Վերականգնման նախագծի հեղինակն է Մայր Աթոռի ճարտարապետ տիկին Մերի Դանիելյանը: Սրբազան Հոր փափագն է նաև, որ հետագայում վերականգնվի ու նախնական տեսքի բերվի Մեծ Սուրբի դամբարանը, որի համար Սրբազան Հոր հրավերին ընդառաջ հուշարձանների վարչության և Մայր Աթոռի ճարտարապետական բաժնից համապատասխան հանձնախումբ այցելեց և մոտ օրերս պետք է հայտնի իր գրավոր եզրակացությունը: Այս առթիվ, դամաբարան-մատուռի և զանգակատան դռները նվիրաբերեց Գյումրիի նոտար և Օձունի Սուրբ Աստվածածին եկեղեցու խաչքավոր Ռոբերտ Մուկուչյանը: Վանաձորի Սուրբ Աստվածածին եկեղեցու խաչքավոր Արմեն Մխոյանը նվիրաբերեց 4 սրբապատկերներ: Ճանապարհի ջրանցքի կամրջակը կառուցեց ճանապարհաշինարար և խաչքավոր Մուկուչ Տիտանյանը: Շինարարական աշխատանքներն ամբողջությամբ իրականացրեց «Մ. Լամբարյան» ՍՊԸ տնօրեն Մկրտիչ Լամբարյանը, ով իր կողմից անհատույց իրականացրեց տարածքի մասնակի բարեկարգումը: Թեմի համար երկար սպասված իրադարձություն էր: Ներկա ուխտավորներին մեծ ուրախություն պարգևեց այս զորավոր և խորհրդավոր ուխտավայրի վերականգնումը և խաչի օծումը: Իր օրհնության խոսքն ասաց առաջնորդ Սրբազանը՝ ի մասնավորի նշելով. «Մեր աղոթքները ավելի զորավոր ու լսելի են դառնում Աստծուն, երբ սուրբերի աճյունի առջև ծնկաչոք ու խոնարհ հայցում ենք նրանց բարեխոսությունը: Այնպես, ինչպես որ մեր սրբերն են փութաջանորեն մեր աղոթքները առ Աստված հասցնում, նույնպես և մենք պարտավոր ենք ջանասիրությամբ պահպանել ու շեն պահել իրենց դամբարաններն ու սրբավայրերը: Գուգարաց թեմի և հայաստանաբնակ հավատավոր ժողովրդի համար հոգեհարազատ այս սրբավայրը՝ Արդվու Սրբանեսի վանքը, անհնար է պատկերացնել առանց ուխտավորի: Յուրաքանչյուր ուխտավոր պետք է գիտակցի, որ ուխտագնացությունների շարքը առանց Սուրբ Հովհան Օձնեցի Հայրապետի դամբարան այցելության կմնա, անկատար ու թերի:» Արարողության ավարտին Սրբազան Հայրը օրհնեց ներկաներին, գնահատանքի, օրհնության և երախտիքի խոսք հայտնեց բարերար Կարապետյան գերդաստանին՝ հանձինս Կարապետյան գերդաստանի նահապետ հարգարժան Սարգիս Կարապետյանի, ով և ստանձնեց խաչի օծման կնքահայրությունը: Սրբազանը պարոն Սարգիսին հանձնեց վերականգնված սրբավայրի յուղաներկ կտավն ու պատկերազարդ ալբոմը: Խաչի օծման արարողությանը մասնակցում էին Լոռու փոխմարզպետ Սերգեյ Սարուխանյանը, Թումանյանի, Ստեփանավանի տարածաշրջանների քահանա հայրեր, ներկա էին համայնքապետեր և բարեպաշտ ուխտավորներ:
Օգոստոսի 15-ին, ձեռամբ Գուգարաց թեմի առաջնորդ Տեր Սեպուհ արքեպիսկոպոս Չուլջյանի, վերաօծվեց Քարինջ համայնքի Սուրբ Կարապետ եկեղեցին: Քարինջ համայնքի Սուրբ Կարապետ եկեղեցին կառուցվել է 1848 թվականին, եղել է սիրված և միակ սրբավայրը Քարինջ համայնքում: Եկեղեցին իր ճարտարապետական հորինվածքով միանավ բազիլիկ է: Տեղացիները պատմում են, որ խորհրդային տարիներին եկեղեցին ծառայել է որպես դարբնոց և ժամանակի ընթացքում ավերվել է։
Այժմ եկեղեցին արդեն պատրաստ է ընդունելու Քարինջ համայնքի բարեպաշտ հավատացյալներին՝ Սուրբ Պատարագների մասնակցության և այլ արարողությունների համար: Եկեղեցու վերակառուցման բարերարությունը ստանձնել են Մերուժան, Վարուժան, Արծրուն և Վալտեր Մաղաքյան եղբայրները: Վերաօծվեցին եկեղեցու Սուրբ Սեղանը, խորանն ու մկրտության ավազանը: Մաղաքյան եղբայրների բարերարությամբ վերանորոգվել և հարդարվել են եկեղեցու պատերը, կառուցվել է տանիքը և եկեղեցու հատակը, տեղադրվել են պատուհանները և մուտքի դռան անձրևածածկը: Եղբայրների կողմից նվիրաբերվել են Հիսուս Քրիստոսի և Սուրբ Հովհան Օձնեցի Հայրապետի սրբապատկերները, Սուրբ Աստվածածնի որմնանկարը, 2 նստարաններ, Սուրբ Սեղանի մոմակալներ և Սուրբ Խորանի խաչը: Գուգարաց թեմի կողմից նվիրաբերվել են եկեղեցու ջահերը, գորգ և խորանի վարագույրը: Օձունի Սուրբ Աստվածածին եկեղեցու խաչքավոր Ռոբերտ Մուկուչյանի կողմից նվիրաբերվել են դարբնի կոփածո երկու մոմակալներ: Եկեղեցու նորաօծ խորանին, հանդիսապետությամբ թեմակալ առաջնորդի, մատուցվեց Սուրբ Պատարագ` ձեռամբ տարածաշրջանի հոգևոր հովիվ Տեր Գրիգորիս քահանա Դերմենջյանի: Հավարտ Պատարագի` Սրբազան Հայրն իր օրհնության ու շնորհավորանքի խոսքն ուղղեց ներկաներին և օրհնեց բարերարներին, ովքեր իրենց ներդրումը բերեցին եկեղեցու վերանորոգման աշխատանքներին, օրհնության գիր և նվերներ հանձնեց բարերարներին: Վերաօծման արարողությանը ներկա էին Գուգարաց թեմի քահանա հայրեր, եկեղեցու վերանորոգման նվիրատուները, Լոռու մարզպետ Հրանտ Մարգարյանը, Թումանյան խոշորացված համայնքի ղեկավար Լևոն Զավարյանը, համայնքի բարեպաշտ հայորդիներ և ուխտավորներ տարբեր համայնքներից: Քարինջի Սուրբ Կարապետ եկեղեցու բարերար Մաղաքյան եղբայրների կողմից ուխտավորներին մատուցվեց ուխտի մատաղ:
«Վարդանանց Հետնորդներ» նվագախմբի նոր հաջողությունները
Օրհնությամբ Գուգարաց թեմի առաջնորդ Գերաշնորհ տեր Սեպուհ արքեպիսկոպոս Չուլջյանի՝ Գուգարաց թեմի «Վարդանանց հետնորդներ» փողային նվագախումբը հունիսի 1-10-ը հրավերքով մասնակցեց Վրաստանի Հանրապետության Քոբուլեթի քաղաքում կայացած «Նարնջագույն Քոբուլեթի» միջազգային հեղինակավոր փառատոնին և ունեցավ բավականին հաջողություններ: Փառատոնի առաջին օրը բեմահարթակ էին դուրս եկել աշխարհի 20 պետություններից ժամանած 65 համույթները, որոնցից լավագույն 16 խմբերը մասնակցեցին Գալա համերգին: Գալա համերգի ժամանակ «Վարդանանց Հետնորդներ»-ը իր բարձր կատարողականությամբ արժանացավ խստապահանջ հանձնաժողովի ամենաբարձր գնահատականին և արժանացավ առաջին կարգի մրցանակի, իսկ երաժիշտ-կատարողները նաև առաջին կարգի դիպլոմների, ինչպես նաև նվագախումբը պարգևատրվեց թանկարժեք նվերներով: Նվագախմբին Քոբուլեթիում կայացած փառատոնին մասնակցելու համար մեծ աջակցություն ցուցաբերեցին Վանաձորի համայնքապետարանը՝ հանձինս քաղաքապետ Մամիկոն Ասլանյանի և Լոռու մարզպետարանը՝ հանձինս մարզպետ Հ. Մարգարյանի: Նվագախմբի և անձամբ իմ անունից խորին երախտագիտությունս եմ հայտնում վերոհիշյալ կազմակերպություններին՝ մեզ աջակցելու համար:
Սրբազան Հոր խնդրանքին ընդառաջ՝ բնակարանը գնվեց պոլսահայ Ստեփան Պալըքի կողմից և իբրև նվեր հատկացվեց Վանաձորի Սանկտ-Պետերբուրգ տնակային ավանում բնակվող Սուրեն Նալբանդյանի ընտանիքին՝ ի հիշատակ պոլսահայ Արմեն Պալըքի։
Նալբանդյան ընտանիքը բաղկացած է 5 անձից: Ընտանիքի ավագ որդին՝ երիտասարդ Սուրենը, եղբոր հետ իր ողջ մանկությունը անց է կացրել տնակային ավանում։ Սուրենը ներկայումս ամուսնացած է, ունի դուստր։ Եղբայրը և մայրը ևս իրենց հետ բնակվում են փոքրիկ, նեղլիկ, կեցության տարրական պայմաններից զուրկ 27 քառ. մետր թիթեղաշեն տնակի մեջ։ Սուրենը տարբեր տեսակի աշխատանքներ է կատարում։ Մայրը օրավարձով կատարում է տեխնիկական աշխատանք, Սուրենի եղբայրը ևս։ Ընտանիքի հիմնական ապրուստի միջոցը 28.000 դրամ նպաստն է։ Շարունակական տնայցերից, հանդիպումներից հետո Սեպուհ սրբազանը՝ հանձնախմբի հետ համախորհուրդ, որոշեց այս ընտանիքին ևս ապահովել բաղձալի բնակարանով։
Օրերս Նալբանդյան ընտանիքի բոլոր անդամները Սուրբ Մկրտությամբ որդեգրվեցին Մայր Եկեղեցուն և որպես Հայաստանյայց Առաքելական Սուրբ Եկեղեցու զավակ՝ տոնեցին բնակարանամուտը: Սրբազան Հոր օրհնությամբ՝ նոր հանձնված բնակարանում Սուրբ Աստվածածին եկեղեցու հոգևոր հովիվ Տեր Օհան ավագ քահանա Լուսարարյանը կատարեց տնօրհնյաց արարողություն, որին ընտանիքի անդամներից զատ՝ ներկա էին նաև «Ձեռք մեկնիր եղբորդ» բարեգործական ծրագրի հանձնախմբի անդամներ՝ Վանաձորի քաղաքապետարանի հոգաբարձության և խնամակալության հանձնաժողովի քարտուղար Լեռնուհի Գևորգյանը, «Առավոտ» բհկ տնօրեն Մարգարիտա Շահվերդյանը, «Խաչվող ուղիներ» բհկ տնօրեն Կամո Եգանյանը, Ոստիկանության Վանաձորի Տարոնի բաժնի անչափահասների գործերի բաժանմունքի պետ, փոխգնդապետ Ռուդիկ Վարոսյանը, Գուգարաց թեմի Սոցիալական բաժնի աշխատակից Հռիփսիմե Միրզոյանը: Արարողության ավարտին՝ Սրբազան Հայրը և ներկաները շնորհավորեցին ընտանիքի անդամներին։ Սրբազան Հայրը երիտասարդ զույգերին հորդորեց աճելու, ամրանալու և մեծ ընտանիք դառնալու և միաժամանակ հայտարարեց որ առաջիկայում կհանձնվի ևս մեկ բնակարանը՝ արդեն բազմազավակ և դարձյալ տնակաբնակ մեկ ընտանիքի։ Դիվան Գուգարաց թեմի
Գուգարաց թեմի առաջնորդ Տեր Սեպուհ արքեպիսկոպոս Չուլջյանը «Ձեռք մեկնիր եղբորդ» բարեգործական ծրագրով գնված 23-րդ բնակարանն է հանձնել Լևոն Ավետիսյանի ընտանիքին: Իսկ մինչ բնակարանամուտ տոնելը՝ ընտանիքի ծնողներն ու չորս փոքրիկները մկրտվել են և որպես Առաքելական Եկեղեցու անդամներ մուտք ոտք դրել արդեն իրենց նոր օջախ:
Օգոստոսի 2-ին, ձեռամբ Գուգարաց թեմի առաջնորդ Գերաշնորհ տեր Սեպուհ արքեպիսկոպոս Չուլջյանի, օծվեց և տեղադրվեց Թումանյանի տարածաշրջանի Արդվի համայնքի Սուրբ Հովհան Օձնեցի Հայրապետի դամբարան-մատուռին կից վերակառուցված զանգակատան խաչը:
Սուրբ Հովհան Օձնեցի Հայրապետը այն եզակի սրբերից է, ում աճյունը ամփոփված է Արևելյան Հայաստանում: Սուրբ Հովհան Օձնեցին մեր պատմության մեծագույն հայրապետներից մեկն է, որ Ամենայն Հայոց Կաթողիկոսական աթոռին գահակալեց 717-728թթ.-ին և արաբական տիրապետության դժնդակ պայմաններում իր գրով ու խոսքով, իր հովվական ու հովվապետական արթուն հսկողությամբ և հեռատեսությամբ կարողացավ իր հոտն առողջ և ամբողջական պահել թշնամիների հարվածներից:
Մուկուչյանը: Վանաձորի Սուրբ Աստվածածին եկեղեցու խաչքավոր Արմեն Մխոյանը նվիրաբերեց 4 սրբապատկերներ: Ճանապարհի ջրանցքի կամրջակը կառուցեց ճանապարհաշինարար և խաչքավոր Մուկուչ Տիտանյանը: Շինարարական աշխատանքներն ամբողջությամբ իրականացրեց «Մ. Լամբարյան» ՍՊԸ տնօրեն Մկրտիչ Լամբարյանը, ով իր կողմից անհատույց իրականացրեց տարածքի մասնակի բարեկարգումը:
Իր օրհնության խոսքն ասաց առաջնորդ Սրբազանը՝ ի մասնավորի նշելով. «Մեր աղոթքները ավելի զորավոր ու լսելի են դառնում Աստծուն, երբ սուրբերի աճյունի առջև ծնկաչոք ու խոնարհ հայցում ենք նրանց բարեխոսությունը: Այնպես, ինչպես որ մեր սրբերն են փութաջանորեն մեր աղոթքները առ Աստված հասցնում, նույնպես և մենք պարտավոր ենք ջանասիրությամբ պահպանել ու շեն պահել իրենց դամբարաններն ու սրբավայրերը: Գուգարաց թեմի և հայաստանաբնակ հավատավոր ժողովրդի համար հոգեհարազատ այս սրբավայրը՝ Արդվու Սրբանեսի վանքը, անհնար է պատկերացնել առանց ուխտավորի: Յուրաքանչյուր ուխտավոր պետք է գիտակցի, որ ուխտագնացությունների շարքը առանց Սուրբ Հովհան Օձնեցի Հայրապետի դամբարան այցելության կմնա, անկատար ու թերի:»
Մաղաքյան եղբայրների բարերարությամբ վերանորոգվել և հարդարվել են եկեղեցու պատերը, կառուցվել է տանիքը և եկեղեցու հատակը, տեղադրվել են պատուհանները և մուտքի դռան անձրևածածկը: Եղբայրների կողմից նվիրաբերվել են Հիսուս Քրիստոսի և Սուրբ Հովհան Օձնեցի Հայրապետի սրբապատկերները, Սուրբ Աստվածածնի որմնանկարը, 2 նստարաններ, Սուրբ Սեղանի մոմակալներ և Սուրբ Խորանի խաչը:
Գուգարաց թեմի կողմից նվիրաբերվել են եկեղեցու ջահերը, գորգ և խորանի վարագույրը: Օձունի Սուրբ Աստվածածին եկեղեցու խաչքավոր Ռոբերտ Մուկուչյանի կողմից նվիրաբերվել են դարբնի կոփածո երկու մոմակալներ:
Փառատոնի առաջին օրը բեմահարթակ էին դուրս եկել աշխարհի 20 պետություններից ժամանած 65 համույթները, որոնցից լավագույն 16 խմբերը մասնակցեցին Գալա համերգին: Գալա համերգի ժամանակ «Վարդանանց Հետնորդներ»-ը իր բարձր կատարողականությամբ արժանացավ խստապահանջ հանձնաժողովի ամենաբարձր գնահատականին և արժանացավ առաջին կարգի մրցանակի, իսկ երաժիշտ-կատարողները նաև առաջին կարգի դիպլոմների, ինչպես նաև նվագախումբը պարգևատրվեց թանկարժեք նվերներով:
Նալբանդյան ընտանիքը բաղկացած է 5 անձից:
