Առողջ համայնք ունենալու ճանապարհին

Վերջերս <Իզմիրլյան> բժշկական կենտրոնի տնօրինությամբ և Ամենայն Հայոց Հայրապետ Գարեգին Բ–ի օրհնությամբ` ՀՀ մարզերում մեկնարկեց սոցիալապես անապահով մարդկանց անվճար բժշկական օգնության ծրագիրը: Ծրագրին անմասն չմնաց նաև Վանաձոր քաղաքը. թիվ 1 պոլիկլինիկայում օրերս <Իզմիրլյան> բժշկական կենտրոնից ժամանած բժիշկները ախտորոշեցին և բժշկական կենտրոն բուժօգնություն ստանալու նպատակով ուղղորդեցին քաղաքի բնակիչներին: Նախապես տարածված հայտարարությամբ պոլիկլինիկայում էին հավաքվել տարբեր հիվանդություններից բողոք ունեցող քաղաքացիներ, ովքեր անցան անվճար բուժստուգում և ստացան թույլտվություն արդեն թեմակալ առաջնորդի ուղեգրով ներկայանալու բժշկական կենտրոն` որոշակի զեղչերով ստանալու համապատասխան բուժօգնություն: