Thursday, August 23, 2012

Սկսվել է Օձունի եկեղեցու վերականգնման աշխատանքները
  Լոռու մարզի Օձուն գյուղի անդորրը վերջին օրերին խախտել են Սուրբ  Աստվածածին եկեղեցու վերականգնման աշխատանքներն իրականացնող շինարարները: 1600-ամյա եկեղեցին վերջին տարիներին անմխիթար վիճակում էր. ամեն պահի բեկորներ և քարեր էին թափվում, ավելանում էր պատերի ճեղքերը: Գյուղի քահանայի` Տ. Վրթանեսի մտահոգությունը եկեղեցին օր առաջ կործանումից փրկելն էր: Տարիների նրա երազանքն այսօր արդեն իրականություն է:
Նախագիծն իրականացվում է մասնավոր միջոցներով` համաձայն հուշագրի, որ ստորագրվել է Հայ առաքելական եկեղեցու, ՀՀ Մշակույթի նախարարության և «Հովհաննես Իմաստասեր Կաթողիկոս Օձնեցի» բարեգործական հիմնադրամի միջև: Վերականգնումը կատարում է «ԼևԳուկ» մասնագիտացված ընկերությունը, որը մայիսին մրցույթի հաղթող ճանաչվեց:
                                     Դիվան Գուգարաց թեմի 27.07.2012
                 << Ֆորտունա >>   Լոռու Մարզային  ՀԸ հեռարձակած տեսանյութը   
                                                              21.08.2012

Friday, August 10, 2012



Մեծ Պարնի գյուղի Սուրբ Գրիգոր Լուսավորիչ եկեղեցու
Սուրբ Խաչի և զանգի օծումը

Լոռու մարզի  Սպիտակի տարածաշրջանի Մեծ Պարնիգյուղի տարածքում կա 5 սրբատեղի`  Սուրբ ԳրիգորԼուսավորիչ  եկեղեցին  և  չորս այլ մատուռներ`Միջնադարյան Սուրբ Փրկիչվերականգնվել է 2012թ-ին2010թ-ին կառուցված նորշեն մատուռը,  18-19-րդ դդ.կառուցված Վանքաձորըև  գյուղից 500 մետր հյուսիսբլրիվրա գտնվող 13-14 դդ կառուցված Սուրբ Սարգիսմատուռը:    




Արձագանքելով գյուղի բնակչության խնդրանքին` եկեղեցին նորոգելու և  սրբազան արարողություններ կատարելու նպատակով, Գուգարաց թեմի առաջնորդ Բարձրաշնորհ Տեր Սեպուհ արքեպիսկոպոս Չուլջյանի օրհնությամբ և  եկեղեցու բարերար <Ռոբշին>  ՍՊԸ տնօրեն Ռոբերտ Օխանյանի խաչքավորությամբ 2011թ-ին սկսվեցին  եկեղեցու վերանորոգման աշխատանքները: Նորովի կառուցվեց զանգակատուն,  եկեղեցու հիմքներն ամբողջությամբ ամրացվեցին, փոխվեցին տանիքի ծածկասալերը, տեղադրվեց Սուրբ Սեղանը, բարեկարգվեց և հրապուրիչ տեսքի եկավ եկեղեցու տարածքը, որը ծառայելու է իբրև հանգստի գոտի:






2012թ-ի Օգոստոսի 9-ին, հինգշաբթի օրը, ժամը 10.30-ին  ձեռամբ Գուգարաց թեմի առաջնորդ Բարձրաշնորհ Տեր Սեպուհ արքեպիսկոպոս Չուլջյանի  կատարվեց  Մեծ Պարնի գյուղի  Սուրբ Գրիգոր Լուսավորիչ եկեղեցու Սուրբ Խաչի և Զանգի օծման արարողությունը:  Ներկա էին գյուղի բարեպաշտ բնակիչները, գյուղապետը, դպրոցի տնօրենը և ուխտավորներ: Սրբազան Հայրը օրհնեց ներկաներին և շնորհավորեց  աղոթավայրի վերանորոգման առիթով, նաև`  շնորհակալական խոսք հղեց եկեղեցու բարերար Ռոբերտ Օխանյանին:  
Արարողության ավարտին բարերարի կողմից ներկաներին մատուցվեց երախտիքի ու գոհության մատաղ: Մեծ պարնեցիները սիրով և հավատով մասնակցեցին  հոգեպարար արարողությանը`  հայցելով  Բարձրյալից գործոց հաջողություն, առողջություն և խաղաղություն համայն հայ ժողովրդին:















Եկեղեցու վերաօծման արարողությունը տեղի է ունենալու 2012 թ.-ի աշնանը: Գյուղի բնակչության զբաղվածության ոլորտը դաշտավարությունն է և անասնապահությունը: Հիմնականում արտադրվում է հացահատիկ, կարտոֆիլ, ինչպես նաև կազմակերպված ֆերմերային սերմնաբուծական երկու տնտեսություների շնորհիվ արտադրվում է հացահատիկի և կարտոֆիլի  սերմացուն: Գյուղում գործում է հանրակրթական մեկ դպրոց` 13 դասարանով, աշակերտների թիվը հասնում է 264-ի:  Գործում է նաև մեկ գրադարան:

Thursday, August 2, 2012

                                                 Մանկանց կենսախինդ աշխարհը

Ամառային արձակուրդների ժամանակահատվածում պատանիների հանգստի ճիշտ կազմակերպման և այս ընթացքում դաստիարակության իրականացման առումով  լավագույն դպրոց են հանդիսանում ճամբարները, որտեղ պատանիները սովորում են խմբակային ընկերավարություն, իսկ առանձին դեպքերում նաև ստանում հոգևոր և պատմական գիտելիքներ:  Պատմական դեպքերի դասավանդման,  հայ Կաթողիկոսների և նշանավոր զորավարների կյանքի և նրանց իմաստուն խոսքերի ուսուցման միջոցով երեխայի մեջ ազգային արժեքների ձևավորմանը մշտապես ուշադրություն են դարձնում Գուգարաց թեմի <Ծիծեռնակ> ճամբարի մանկավարժները:
 2012թ-ին բոլորեց ճամբարի գործուներության  10-րդ տարին:  Այս տարի Հունիսի 25-ից  մինչև օգոստոսի 27-ը  7 հերթափոխով Հայաստանի 5 շրջաններից  մինչև 1000 երեխա իր հանգիստը կանցկացնի գեղատեսիլ ու հարմարավետ <Ծիծեռնակ> ճամբարում` <World Vision> բարեգործական կազմակերպության, անհատ բարերարների, Ալավերդու քաղաքապետարանի և Գուգարաց թեմի միջոցներով, և օրհնությամբ առաջնորդ Գերաշնորհ տեր Սեպուհ արքեպիսկոպոս Չուլջյանի:
Նշենք, որ ճամբարը ավելի հաճախ հյուրընկալում է  սոցիալապես անապահով ընտանիքների  երեխաների, մասնավորապես ծնողազուրկ կամ հաշմանդամություն ունեցող:
<Ծիծեռնակ> ճամբարն առանցքային և հիմնավորապես տարբերվում է ազգային-քրիստոնեական արժեքների հանդեպ սկզբունքային դիրքորոշմամբ: Ծրագրի  մաս են կազմում երեխաների միջոցով ծանոթացումը տարբեր մարզերի մշակութային սովորություններին ու տեղական բարբառներին, ապահովվում է ընկերական կարգապահությունը, կենցաղավարությունը, գործանական հայրենասիրությունը և Սբ. Պատարագներին մասնակցությունը:
Հաճախ պատահում է, որ մինչ <Ծիծեռնակ> ճամբարում հյուրընկալվելը  պատանիների  մի ստվար հատվածը  Սբ. Պատարագ չի տեսել և չի մասնակցել, միչդեռ այստեղ յուրաքանչյուր հերթափոխ հաղորդակից է դառնում ճամբարի Սրբոց Մանկանց մատուռում մատուցվող պատարագներին: Ուխտագնացություններ են կազմակերպվում Վանաձորի եկեղեցիներ:
Հատկապես ընդգծելի է նաև ճամբարականների մասնակցությունը Տողանին` երեխաների մեջ որպես զգաստության, պատասխանատվության և հաշվետվության գիտակցության ձևավորման աշխարհիկ  ծիսաարարողակարգի:

Ճամբարային առօրյան հագեցած է, և բացի օրակարգային պարտադիր ուսուցողական ու դաստիարակչական մասից, այստեղ անցկացվում են խաղեր ու մրցույթներ, շարային ու համաճամբարային միջոցառումներ, որոնք նույնպես յուրովի ամփոփվում են  հերթափոխի վերջին` հանդիսավոր փակման օրերին:  Նշվում են ճամաբարականների`  հերթափոխի ընթացքին համընկած ծննդյան օրերը և պարտադիր նվերներ են հանձնվում հոբելյարներին: 
Ամեն հերթափոխ ամփոփվում է ավանդական դարձած ճամբարային հրաժեշտի խարույկով, որն ուղեկցվում է  շուրջպարերով, բարձրացնում է  պատանիների մեջ համախմբվածության և միասնականության ոգին:  Գուգարաց թեմի <Վարդանաց հետնորդներ>  նվագախումբն էլ հնչեցնում է  Հայրենասիրական երգեր և ավելի մտերմացնում պատանի հայորդիներին: Հաճախակի մասնակցում են նաև Վանաձորի եկեղեցիների սպասավորները և դպրաց դասերը, նաև` Սուրբ Սարգիս եկեղեցու երգչախումբը: