Tuesday, November 7, 2017






Օձունի եկեղեցում դարձյալ վերականգնման աշխատանքներ են ընթանում

77 просмотров
Опубликовано: 7 окт. 2017 г.

Մշակույթի նախարարը պատրաստակամություն է հայտնել աջակցել Օձունի տաճարի արտաքին եռակողմա սրահների ամբողջականացման աստվածահաճո գործին
Опубликовано: 28 окт. 2017 г.

Օձունի եկեղեցու որմնանկարը պաշտպանելու խնդիրն առաջնային է

104 просмотра
Опубликовано: 3 окт. 2017 г.


Օձունի եկեղեցու արտաքին սրահների ամբողջացման խնդիրը կլուծվի

Մշակույթ

7 Նոյեմբերի 2017, 16:50
 Օձունի եկեղեցու արտաքին սրահների ամբողջացման խնդիրը կլուծվի
Օձունի եկեղեցին վաղ միջնադարյան եզակի կառույցներից է, որտեղ համեմատաբար ամբողջականորեն է պահպանվել արտաքին սրահը: Փաստը, որ եկեղեցին բազմիցս նորոգվել է, արձանագրված է նաև եկեղեցու բակում գտնվող տապանաքարերի վրայի հիշատակություններում (801թ., 1888 թ.): 19-րդ դ. վերջերին էլ թիֆլիսաբնակ Զաքարիա և Բաղդասար Աբովյան եղբայրներն իրենց միջոցներով վերանորոգել են եկեղեցին և շրջապարիսպը, ինչը վկայող արձանագրություն նույնպես կա:
Մեր օրերում եկեղեցու վերականգնման աշխատանքները սկսվել են 2011-ից և այսօր էլ շարունակվում են՝ հյուսիսային կամարակապի քանդված քարերն են դրվում նախկին տեղերում: Եկեղեցու վերականգման աշխատանքները ֆինանսավորում է մոսկվաբնակ բարերար Մովսես Ձավարյանը: Սակայն եկեղեցին լուրջ խնդիր ունի՝ արտաքին սրահների ամբողջականացման հարցը: Բանն այն է, որ անձրևաջրերը լցվում են ներս ու պատը, որմնակամարը «ջրում»:
Հիշեցնենք, որ եկեղեցու արտաքին սրահների վերականգնման հարցը Yerkir.am-ի հետ զրույցում բարձրացրել էր Օձունի հոգևոր հովիվ տեր Վրթանես քահանա Բաղալյանը՝ նշելով, որ  անձրևաջրերը, որմնակամարի վրա թափվելով, բարերարի շնորհիվ կատարված աշխատանքներն էլ  են «ջուրը գցում»: «Անձրևաջուրը լվանում է որմնակամարը, իջնում մինչև հիմքեր, հատակը խոնավացնում. այսպես կամաց-կամաց հատակի սալիկներն էլ կտեղահանվեն: Արդեն սկսվել են անձրևները, և քարերը չեն դիմանում անձրևին: Պետք է ծածկի տակ լինեն, անհրաժեշտ է Օձունի սրահների ամբողջական ծածկապատման աշխատանքներ սկսել, իսկ եկեղեցու բակի բարեկարգման աշխատանքները` մեկ տարով հետաձգել»,- ասել էր քահանան:
Տեր Վրթանեսը մշակույթի նախարար Արմեն Ամիրյանի՝ Օձուն այցի ժամանակ խնդիրը ներկայացրել էր նախարարին, ով էլ խոստացել էր լուծել այն:
Yerkir.am-ը գրավոր հարցում էր ուղարկել մշակույթի նախարարություն՝ տեղեկանալու՝ արդյո՞ք նախարարն ուսումնասիրել էր խնդիրը և ինչ որոշում կայացրել:
Մշակույթի փոխնախարար Արև Սամուելյանը տեղեկացրել է մեզ, որ  եկեղեցու արտաքին սրահների ծածկն ի սկզբանե եղել է փայտյա, ինչի մասին են վկայում եկեղեցու հարավային, արևմտյան և հյուսիսային ելուստները, որոնց վրա էլ հենված են եղել ծածկը կրող երկայնական փայտե գերանները: Փոխնախարարի խոսքով՝ հետագա նորոգությունների արդյունքում փայտանյութի ոչ երկարակեցության պատճառով այն փոխարինվել է քարե թաղակիր կամարներով և թաղերով, որոնց մեկ ոտքը հենվել է նշված պատերին հպված որմնակամարների վրա:
«Արտաքին սրահների ծածկերի քարով վերականգնումը համարում ենք հնարավոր և արդյունավետ՝ մեկ վերապահումով` եթե պահպանվի և ցուցադրվի պատերի վրա առկա ավելի վաղ շինարարական շերտը՝ ելուստները՝ քարե թաղերում թողնելով ապակեպատ «լուսամուտներ»՝ պատմական շերտի մասին ինֆորմացիան հետագա սերունդներին փոխանցելու նպատակով: Ինչ վերաբերում է ծածկերի վերականգնման աշխատանքների համար ֆինանսական միջոցներ տրամադրելուն, ապա նախարարությունը կա´մ կառաջարկի բարերարին` հանձն առնել նաև հուշարձանի արտաքին սրահները ամբողջացնելու նպատակով անհրաժեշտ աջակցություն, կա´մ նախարարությունը պետական բյուջեից գումար կտրամադրի»,- ասել է Սամուելյանը:
Իսկ աշխատանքների իրացման ժամկետները, ըստ փոխնախարարի, կախված կլինեն ֆինանսական հատկացումների չափից:

Monday, September 11, 2017

ԳՈՒԳԱՐԱՑ ԹԵՄՈՒՄ
ՎԵՐԱՕԾՎԵՑ ԼՈՐՈՒՏ  ՀԱՄԱՅՆՔԻ ՍՈՒՐԲ ՍԱՐԳԻՍ ԵԿԵՂԵՑԻՆ
 Լոռու մարզի Լորուտ համայնքում տոն էր: Ձեռամբ Գուգարաց թեմի առաջնորդ Տեր Սեպուհ արքեպիսկոպոս Չուլջյանի` վերաօծվեց գյուղամիջյան 1898 թվականի պատմական աղոթատունը` Սուրբ Սարգիս եկեղեցին:

Լորուտցիների երազանքը կյանքի կոչվեց

Опубликовано: 12 сент. 2017 г.

Опубликовано: 11 сент. 2017 г.

Վերաօծվեց Գուգարաց թեմի Լորուտ համայնքի Սուրբ Սարգիս եկեղեցին


Опубликовано: 12 сент. 2017 г.

Լորուտի եկեղեցու վերաօծումը


Monday, August 7, 2017

Մեծավանի տիկնիկային թատրոնի խմբակի սաների այցը Սարչապետ և Ձորամուտ համայնքներ: Ներկայացվեցին «Անբան Հուռին» և «Բարեկենդանը»

Մեծավանում հիմնված տիկնիկային թատրոնի խմբակի սաները ներկայացումներ են ցուցադրում

Wednesday, July 26, 2017


ՀԱՂՈՐԴԱԳՐՈՒԹՅՈՒՆ
25 հուլիս 2017թ.


Այսու հաղորդագրությամբ Սանահին վանքի տարածքում վերջերս տեղի ունեցած ապօրինի հողարկավորության և գերեզմանաշինության առնչությամբ պարզաբանում ենք. 
Սանահին վանքը Մայր Աթոռ Սուրբ Էջմիածնին է հանձնվել 13 ապրիլ 2011 թվականի թիվ 2656312 սեփականության վկայականով (գրանցված է իրավունքների պետական գրանցման միասնական 06-002-3 մատյանի 134 համարի տակ): 
Համաձայն վկայականում սահմանանշվածի` եկեղեցու սեփականություն է հանդիսանում միմիայն վանքային համալիրն ու մատուռ սրբատեղիները` սահմանափակ չնչին հողակտորներով:  Վանքի հարակից ողջ գերեզմանոցը ընդգրկված չէ վանքի սեփականության վկայականում և այն իբրև պահպանման գոտի, հանդիսանում է հուշարձանների վարչության և կամ համայնքային սեփականություն: 
Մինչ Մայր Աթոռին հանձնվելը` Սանահին վանքի տարածքում խորհրդային և ապա ՀՀ անկախության առաջին տարիներին տեղական իշխանությունների, Սանահինի գյուղապետերի և ապա թաղապետերի թույլտվությամբ և հուշարձանների վարչության անտարբերության պատճառով կատարվել են հարյուրավոր հուղարկավորություններ:  
Գուգարաց թեմը սկսյալ 1996 թվականից երբեք նոր թաղումների թույլտվություն չի տվել, այլ ընդհակառակը` մշտապես ահազանգել և մարզպետների միջոցով արգելել է գյուղապետերին ու թաղապետերին վանքի հարակից տարածքում անօրինական թաղումներ իրականացնել: Այս մտահոգությամբ հուշարձանների վարչության մարզային ներկայացուցիչներին մշտապես թեմի կողմից հորդորվել է հսկել և տեր կանգնել այդ տարածքներին:
Հանրային հեռուստատեսությամբ մենք արդեն արտահայտվել ենք և սակայն  կրկին դատապարտում ենք կատարվածը և տեղի ունեցած ապօրինության կապակցությամբ ակնկալում դատախազության և քննչական մարմինների վճիռը: Կոչ ենք անում նաև ՀՀ Մշակույթի նախարարությանը,  պատկան կառույցներին` հետևողական լինել պատմական վայրերի և հուշարձանների, սրբավայրերի պահպանման գոտիների անձեռնմխելիության ապահովման հարցում:
Անդրադառնալով լրատվամիջոցների հրապարակումներում վանքի նորանշանակ հոգևոր հովիվ Տեր Ավետիք աբեղայի կողմից տրված բացատրություններին և հարցազրույցին` նշենք, որ դա ակնհայտ թյուրիմացություն է և հովվի անտեղյակության արդյունք:



ԴԻՎԱՆ ԳՈՒԳԱՐԱՑ ԹԵՄԻ

Friday, July 14, 2017

ՎԵՐԱՕԾՎԵՑ ԵՎՍ ՄԵԿ`

ԿՈՒՐԹԱՆԻ ՊԱՏՄԱԿԱՆ ՍՈՒՐԲ ԱՍՏՎԱԾԱԾԻՆ 

ԵԿԵՂԵՑԻ


Հուլիսի 13-ին, ձեռամբ Գուգարաց թեմի առաջնորդ Տեր Սեպուհ արքեպիսկոպոս Չուլջյանի, վերաօծվեց Կուրթան համայնքի պատմական Սուրբ Աստվածածին եկեղեցին:
5-6-րդ դարերին թվագրվող այս գեղեցիկ եկեղեցին դարձավ միակ գործող սրբավայրը Կուրթան համայնքում: Տեղացիները պատմում են, որ խորհրդային տարիներին` 1929-1930 թթ.,անաստվածները եկեղեցին պայթեցրել են, որի հետևանքով պատերը մասնակի փլուզվել են,  քարե  ծածկը քանդվել և ապա 1983-1984 թթ.  եկեղեցին  Հուշարձանների պահպանության վարչության կողմից մասամբ վերականգնվել է:








Վերջին տարիներին երկար ձգձգվող վերոնորոգչական աշխատանքները սպասումի մեջ էին պահում համայնքին, ովքեր անհամբերությամբ էին սպասում եկեղեցու շինարարական աշխատանքների ավարտման, կահավորման և  վերաօծման արարողությանը: Այսօր եկեղեցին լիովին պատրաստ է ընդունելու Կուրթան և հարակից համայնքների բարեպաշտ բնակիչներին` Սուրբ Պատարագների մասնակցության և այլ արարողությունների համար: 


 Թեմակալ առաջնորդի քաջալերանքին և հորդորներին ընդառաջ` Կուրթան համայնքի ղեկավար Մհեր Գևորգյանը ոչ միայն կազմակերպել ու ղեկավարել է  եկեղեցու վերանորոգչական աշխատանքները, այլ նաև իր նյութական միջոցներով եկեղեցու տարածքում կատարել է հողահեռացման և մաքրման մեծածավալ աշխատանքներ, տեղադրել է  Սուրբ Սեղանը,  իսկ  համայնքապետի որդի Անդրանիկ Գևորգյանի նախաձեռնությամբ էլեկտրաֆիկացվել է եկեղեցին:

























Սփյուռքահայ մեր եղբայրներ` հայր և որդի Վարդան և Քրիստիան Գելիջիների բարերարությամբ, եկեղեցու տանիքը թիթեղապատվել է, տեղադրվել են եկեղեցու մետաղյա դռները և պատուհանները, ինչպես նաև եկեղեցուն նվիրաբերվել է հնամենի մեկ զանգ:
Գուգարաց թեմի առաջնորդարանի կողմից պատրաստվել են  եկեղեցու վարագույրներն ու Սուրբ Սեղանի սպասքը, մոմակալները, զանգակատան մեծադիր կոփածո խաչը և թեմի նյութական միջոցներով իրականացվել են մասնակի հարդարման աշխատանքներ:
Եկեղեցու վերանորոգչական աշխատանքներին իրենց ներդրումն են ունեցել Վալեր Մագթաղյանը, ով վերականգնել է եկեղեցու խորանը,  սալահատակի  պակասող  հատվածը և այլ աշխատանքներ, Մերուժան Գևորգյանը մասնակցել է վերանորոգչական աշխատանքներին. եկեղեցու խորանը զարդարել է գորգերով, Սոս Նալբանդյանի  բարերարությամբ եկեղեցին զարդարվել է երեք բարձրադիր   սրբապատկերներով և ատյանը` գորգերով, ինչպես նաև բակում կատարվել են մաքրման աշխատանքներ, Էդիկ Թամարյանը եկեղեցուն նվիրել է մեկ մեծադիր սրբապատկեր, Գառնիկ Ներկարարյանը նվիրել  է եկեղեցու մկրտության գրանիտե գողտրիկ ավազանը, Հայկ Մագթաղյանը  եկեղեցին զարդարել է վեց բռաներով և երկու ջահերով, Գևորգ Սինդոյանը և Անզոր Թամարյանը եկեղեցուն նվիրել են վեց փայտե նստարաններ, Կուրթան համայնքի միջնակարգ դպրոցը իր  տնօրեն Վանիկ Նալբանդյանի  գլխավորությամբ ակտիվորեն մասնակցել են  եկեղեցու վերանորոգչական և մաքրման ամբողջ աշխատանքներին :
Վերանորոգչական աշխատանքների ողջ ընթացքում եկեղեցում չեն դադարել նշվել եկեղեցական տոները, կատարվել են պսակի, մկրտության արարողություններ:
Կուրթանի Սուրբ Աստվածածին եկեղեցու ճարտարապետական հորինվածքով տարածաշրջանում առկա են ևս 3 եկեղեցիներ Գյուլագարակ, Հոբարձի և Վարդաբլուր գյուղերում, որոնք գտնվում են խոնարված վիճակում:
Եկեղեցու նորաօծ խորանին, հանդիսապետությամբ թեմակալ առաջնորդի, մատուցվեց Սուրբ Պատարագ` ձեռամբ տարածաշրջանի հոգևոր հովիվ Տեր Մերուժան քահանա Սողոյանի: Հավարտ Պատարագի` Սրբազան Հայրն իր օրհնության ու շնորհավորանքի խոսքն ուղղեց ներկաներին և օրհնեց բարերարներին, օրհնության գիր ու սրբապատկեր նվիրեց Կուրթանի համայնքապետ Մհեր Գևորգյանին:
ՖՈՏՈՇԱՐՔԸ ՎԱՀԵ ԽԱՉԻԿՅԱՆԻ
Վերաօծման արարողությանը ներկա էին եկեղեցու վերանորոգման բարերարները, Լոռու փոխմարզպետ Տիգրան Բադոյանը, Ստեփանավանի համայնքապետը, տարածաշրջանի համայնքապետերն ու հոգևոր հայրերը:
Բարերարներ Թելման Հակոբյանի, Էդիկ Թամարյանի, Սոս Նալբանդյանի և Վարդան Ներկարարյանի  կողմից ուխտավորներին մատուցվեց 7 գառան մատաղ: 

Եկեղեցական կյանք 14.07.2017